Tim Rhianta - Gwasanaethau cymorth i deuluoedd

Beth rydym ni'n ei wneud

Drwy gefnogi rhieni rydym yn gobeithio rhoi’r dechrau gorau posib mewn bywyd i blant. Cefnogaeth Rhianta yw unrhyw beth sy’n helpu rhieni yn eu gwaith pwysig o fagu eu plant. Gall y gefnogaeth hon fod yn wybodaeth am ddatblygiad plant, am wasanaethau lleol, derbyn cyngor a chanllawiau am wahanol agweddau ar rianta, grwpiau cefnogi a gweithdai rhianta.

Pwy ydym ni'n eu cefnogi

Mae gan Wrecsam Dîm Rhianta sy’n cefnogi rhieni plant rhwng 0-18 oed. Caiff cefnogaeth ei chynnig drwy amrywiaeth o ddulliau gan gynnwys cefnogaeth 1:1, cefnogaeth grŵp a gweithdai sy’n helpu rhieni i ddeall ymddygiad eu plentyn. Mae’r Tîm Rhianta hefyd yn gweithio gyda gwasanaethau eraill i ddarparu gweithdai ar y cyd neu i'w helpu i ddatblygu darpariaeth ar gyfer y rhieni maent yn eu cefnogi.
Nid yw pob rhiant eisiau mynychu grŵp neu weithdy strwythuredig a byddai'n well ganddynt gefnogaeth 1:1 a gaiff ei darparu naill ai yng nghartref y teulu neu mewn lle arall y mae’r rhieni yn gyfforddus ynddo. Rydym hefyd yn cynnig y gwaith dros y ffôn a thros y we, fodd bynnag, byddem yn argymell gwaith wyneb i wyneb.

Oes tâl yn cael ei godi am ddefnyddio'r gwasanaeth hwn?

Nac oes

All unrhyw un ddefnyddio'r gwasanaeth hwn?

Y broses atgyfeirio: • Mae’n rhaid i waith 1-1 gael ei atgyfeirio gan weithiwr proffesiynol (Darperir ffurflen atgyfeirio) • Gall rhiant hunan-atgyfeirio i weithdai rhianta, neu gall gweithiwr proffesiynol eu hatgyfeirio (Darperir ffurflen atgyfeirio) • Grŵp Cefnogi Law yn Llaw - dim proses atgyfeirio. Gall rhieni a gweithwyr proffesiynol fynychu’r grŵp ar ddydd Gwener rhwng 11-12 yn ystod y tymor yn Lly Hapus

Manylion am wasanaeth gwasanaethau cymorth i deuluoedd

Iaith: Dwyieithog

  • Yn gallu rhoi cymorth arbenigol i deuluoedd plant ag anableddau / anghenion ychwanegol Yes Cysylltwch i drafod anghenion eich plentyn(plant) ymhellach.
  • Mae gan staff perthnasol DBS cyfredol dilys? Yes

Dulliau cysylltu

Cyfryngau cymdeithasol

 Hygyrchedd yr adeilad

 Amserau agor

Mae staff ar gael naill ai wyneb i wyneb, dros y we neu dros y ffôn. Rydym yn gweithio mewn modd hyblyg bellach, naill ai o’r swyddfa neu o gartref, felly mae’n rhaid gwneud apwyntiadau i weld staff. Mae modd cysylltu â’r rhan fwyaf o staff rhwng 9am a 5pm o ddydd Llun i ddydd Iau a rhwng 9am a 4.30pm ar ddydd Gwener.
Diweddariad diwethaf: 16/04/2024